ഏറെയാമോ നാളിനിയും യേശുവെ കാണുവാൻ

ഏറെയാമോ നാളിനിയും യേശുവെ കാണുവാൻ ഹാ!

ദുരിതമെഴുമീ ധരയിൽ വന്നോ
കുരിശിലുയരും എനിക്കായ് തന്നോ ആ ആ ആ
പ്രേമനിധിയെ കാണുവതെന്നിനി?

എന്നെയോർത്തു കരഞ്ഞ കണ്ണിൽ
മിന്നും സ്നേഹപ്രഭയെ വിണ്ണിൽ ആ ആ ആ
ചെന്നു നേരിൽ കാണുവതെന്നിനി?

വിശ്വസിപ്പോർ വീതമായി
വിശ്വമേകും വിനകൾ തീർക്കും ആ ആ ആ
വീട്ടിൽ ചെന്നു ചേരുവതെന്നിനി?

പിരിഞ്ഞുപോയ പ്രിയരെ കണ്ടു
പരമനാട്ടിൽ കുതുകം കൊണ്ടുആ ആ ആ
പുതിയ ഗീതം പാടുവതെന്നിനി?

ഇന്നു ഞാനെൻ ഹൃദയക്കണ്ണാൽ
എന്നും കാണും തൻ മുഖമെന്നാൽ ആ ആ ആ
മുഖാമുഖമായ് കാണുവതെന്നിനി?