എല്ലാ നാവും വാഴ്ത്തിടും ഹല്ലേലുയ്യാ

എല്ലാ നാവും വാഴ്ത്തിടും ഹല്ലേലുയ്യാ പാടിടും
വല്ലഭൻ പൊന്നേശുവേക്കൊണ്ടാടിടും
നല്ലവനായില്ലിഹെ തുല്യമൊന്നു ചൊല്ലുവാൻ
അല്ലൽ തീർക്കും രക്ഷാദായകൻ

സ്വർപ്പുരം വെടിഞ്ഞവൻ സർവ്വേശാത്മജൻ
മർത്യസ്നേഹം പൂണ്ടതാൽ ദാസവേഷമായ്
ക്രൂശിൻ യാഗത്തോളവും താതനിഷ്ടം ചെയ്കയാൽ
സർവ്വലോകർവാഴത്തും നായകൻ;- എല്ലാ നാവും…

നിത്യജീവദായകൻ സർവ്വമാർഗ്ഗം താൻ
നീതിയിൻ പ്രകാശമാം ഏകരക്ഷകൻ
തൻമുഖം ദർശിച്ചവർ വിശ്വാസം കൈക്കൊണ്ടവർ
രക്ഷിതഗണത്തിൽ ആർപ്പിടും;- എല്ലാം നാവും…

ആമേൻ ആമേൻ ആർത്തിടും ദൈവദൂതന്മാർ
മദ്ധ്യേനാമും കൂടിടും മദ്ധ്യാകാശത്തിൽ
ജയഗീതം പാടിടും പ്രിയൻകുടെ വാണിടും
കണ്ണീരില്ല സ്വർഗ്ഗനാടതിൽ;- എല്ലാം നാവും…