എല്ലാം നിൻ കൃപയാലേശുവേ

എല്ലാം നിൻ കൃപയാലേശുവേ
എല്ലാം നിൻ കൃപയാലെ
എൻ ജീവനുമെല്ലാ നന്മകളും
എല്ലാം നിൻ കൃപയാലെ

പാപകൂപത്തിൽ കിടന്നെന്നെ
ഉദ്ധരിച്ചീടുവാൻ
സ്വർഗ്ഗം വിട്ടിദ്ധരെ വന്ന നിൻ
കൃപ മനോഹരമെ;- എല്ലാം…

ശോധന വേളകൾ തന്നിലെൻ
മാനസ്സം മോദത്താൽ
നിന്നെപാടിപുകഴ്ത്തിടും
നിൻ കൃപയാലേശുവേ;- എല്ലാം…

ശത്രുവിന്മേൽ ജയം കൊള്ളുവാൻ
മുന്നേറിച്ചെല്ലുവാൻ
ശക്തിയെനിക്കു തരുന്നവൻ
നീയല്ലോ മൽപ്രിയനെ;- എല്ലാം…

എൻ ബലഹീനതയിൽ തുണ
നൽകുന്നവൻ നീയെ
നിൻ കൃപമതിയെനിക്കെന്നും
ജീവിത കാലമെല്ലാം;- എല്ലാം…

ക്രൂശിന്‍റെ സാക്ഷിയായ് ജീവിച്ചെൻ
നാൾകൾ കഴിച്ചിഹേ
വാഗ്ദത്ത നാട്ടിലെത്തിടും ഞാൻ
നിൻ കൃപയാലേശുവേ;- എല്ലാം…