എനിക്കായി മരിച്ചുയിർത്ത എന്‍റെ

എനിക്കായി മരിച്ചുയിർത്ത
എന്‍റെ താതനെ ഓർത്തിടുമ്പോൾ
ഇഹത്തിലെ ഭാരങ്ങൾ ആകുലവ്യാധികൾ
സാരമില്ലാ എനിക്ക്

എന്‍റെ പ്രീയന്‍റെ സ്നേഹത്തെ
വർണ്ണിച്ചീടാനായ് നാവതില്ലേ
കഷ്ടങ്ങൾ വന്നാലും നഷ്ടം അതായാലും
സമ്മതം എൻ പ്രിയനേ;-

എന്‍റെ പ്രാണനാഥന്‍റെ
മാർവ്വിൽ ചാരി ഞാൻ ആശ്വസിക്കും
കോഴി തൻ കുഞ്ഞുങ്ങളെ മറച്ചിടുന്നതുപോൽ
തൻ നിഴൽ എൻ അഭയം;-

എന്‍റെ യാത്രയിൽ കൂടിരിന്നു
എന്‍റെ വേദന ചുമന്നിടുന്നു
അമ്മ മറന്നാലും സോദരർ തള്ളിയാലും
താതൻ എൻ കൂടെയുണ്ട്;-