എനിക്കൊരു ഉത്തമഗീതം

എനിക്കൊരു ഉത്തമഗീതം
എന്‍റെ പ്രിയനോട് പാടുവാനുണ്ട്
എന്‍റെ യേശുവിന്നായെഴുതിയ ഗീതം
ഒരു പനിനീർ പൂ പോലെ മൃദുലം;

എന്‍റെ ഹൃദയത്തെ തൊടുവാൻ, മുറിവിൽ തലോടുവാൻ
യേശുവേ പോലാരെയും ഞാൻ കണ്ടതില്ല
ഇത്രയേറെ ആനന്ദം ജീവിതത്തിലേകുമെന്ന്
യേശുവേ ഞാൻ ഒരിക്കലും നിനച്ചതില്ല;

പതിനായിരത്തിലതി ശ്രേഷ്ഠൻ;
എനിക്കേറ്റം പ്രിയമുള്ള നാഥൻ
എന്‍റെ ഹൃദയം കവർന്ന പ്രേമകാന്തൻ
സർവ്വാംഗസുന്ദരനേശു;- എനിക്കൊരു…

മരുഭൂമിയിൽ അർദ്ധപ്രാണനായ്
ഒരു കണ്ണും കാണാതെ വിതുമ്പിയപ്പോൾ
സ്നേഹക്കൊടിയിൽ എന്നേ മറച്ചു;
ഓമനപ്പേർ ചൊല്ലിയെന്നെ മാറോടണച്ചു;- എന്‍റെ..

സ്വർഗ്ഗഭവനം ഒരുക്കിയതിൽ
വേഗമെന്നെ ചേർപ്പാൻ എന്‍റെ പ്രിയൻ വന്നിടും
ആ നല്ല നാളിനായ് കാത്തിരുന്നെൻ
സ്നേഹമെന്നിൽ ദിനം തോറും വർദ്ധിച്ചിടുന്നേ;- എന്‍റെ..