എന്നെ അറിയാൻ എന്നെ നടത്താൻ

എന്നെ അറിയാൻ എന്നെ നടത്താൻ
എല്ലാ നാളിലും യാഹെനിക്കുണ്ട്

ചൂടിൽ വാടാതെ വീണുപോകാതെ
മേഘസ്തംഭമായ് യാഹെനിക്കുണ്ട്
കാലിടറതേ കല്ലിൽ തട്ടാതേ
താങ്ങിയെടുക്കും നാഥനെന്നെന്നും;-

കൂട്ടം വിട്ടുപോം ആടിനേപോലേ
ഒറ്റപ്പെട്ടാലും യാഹെനിക്കുണ്ട്
തേടിയെത്തിടും നല്ലയിടയൻ
തോളിലെറ്റിയെൻ വീട്ടിലെത്തിക്കും;-

സാത്താൻ പാതയിൽ പോരടിക്കുമ്പോൾ
പരിചയായിടും യാഹെനിക്കുണ്ട്
ആത്മശക്തിയാൽ എന്നേ നയിക്കും
ആത്മനാഥനെൻ കൂടെയുണ്ടെന്നും;-