എന്‍റെ സഹായവും എന്‍റെ സങ്കേതവും

എന്‍റെ സഹായവും എന്‍റെ സങ്കേതവും
നീ മാത്രമാണേശുവേ
എന്‍റെ ജീവന്‍റെ ബലം നീ
ജീവന്‍റെ പൊരുൾ നീ
ജീവ പ്രത്യാശയും നീ (2)

നീ വിശുദ്ധിയിൽ വെളിപ്പെടും ദൈവമല്ലോ
നിത്യം വിശുദ്ധരിൻ സ്തുതികളിൽ വസിപ്പോനല്ലോ
വിശുദ്ധിയിൽ നിൻ ഹിതമാചരിക്കാൻ
എന്നെ ആത്മാവിൽ നിറച്ചിടുക (2)

ഞാൻ വിളിച്ചാൽ എനിക്കുത്തരമരുളീടും
കാത്തിരുന്നാൽ പുതുശക്തി പകർന്നു തരും(2)
കഴുകനെപ്പോൽ ചിറകടിച്ചുയരും
സ്വർഗ്ഗസന്തോഷമെനിക്കു തരും(2)

ഈ മരുവിൽ തിരുമുഖം നോക്കിടും ഞാൻ
അനുദിനം നിൻ വചനത്തിൽ രസിച്ചീടും ഞാൻ (2)
തിരുക്കരം പിടിച്ചെന്നും നടന്നീടുമേ
നീയെന്‍റെ കണ്ണീരു തുടച്ചീടുമേ (2)