Collection of Christian Songs and Lyrics Download Now!!!

Close Icon
   
Contact Info     Search Song Lyrics


എന്തെല്ലാം വന്നാലും കർത്താവിൻ

എന്തെല്ലാം വന്നാലും കർത്താവിൻ പിന്നാലെ
സന്തോഷമായി ഞാൻ യാത്ര ചെയ്യും

മിസ്രയീം വിട്ടതിൽ ഖേദിപ്പാനില്ലൊന്നും
ആശ്വാസദേശമെൻ മുന്നിലുണ്ട്

കൈകൊണ്ടുതീർക്കാത്ത വീടുകൾ മേടുകൾ
ഒക്കെയും വാഗ്ദത്ത നാട്ടിലുണ്ട്

അബ്രഹാമിൻ യാത്രയിൽ കൂടെയിരുന്നവൻ
അവകാശം നൽകിയോൻ കൂടെയുണ്ട്

ഹാരാനിൽ യാക്കോബിൻ കൂടെയിരുന്നവൻ
വാഗ്ദത്തം നൽകിയോൻ കൂടെയുണ്ട്

മിസ്രയീം ദേശത്തിൽ യൗസേപ്പിൻ കണ്ണുനീർ
കണ്ടവൻ എന്നോടു കൂടെയുണ്ട്

മിദ്യാനിൽ മോശയ്ക്കു സങ്കേതമായവൻ
ഹോരേബിൽ നിന്നവൻ കൂടെയുണ്ട്

ചെങ്കടൽതീരത്തു മോശയിൻ കണ്ണുനീർ
കണ്ടവനെന്നോടു കൂടെയുണ്ട്

ആറുനൂറായിരം ആയൊരു കൂട്ടത്തെ
ചിറകിൽ വഹിച്ചവൻ കൂടെയുണ്ട്

സ്വർഗ്ഗീയ മന്നായെക്കൊണ്ടുതൻ ദാസരെ
പോറ്റിപ്പുലർത്തിയോൻ കൂടെയുണ്ട്

പാറയിൽനിന്നുള്ള ശുദ്ധജലം കൊണ്ടു
ദാഹം ശമിപ്പിച്ചോൻ കൂടെയുണ്ട്

യെരിഹോ മതിലുകൾ തട്ടിതകർത്തവൻ
ചെങ്കടൽ വറ്റിച്ചോൻ കൂടെയുണ്ട്

ബാലിന്‍റെ സേവകന്മാരെ നശിപ്പിച്ച
ഏലിയാവിൻ ദൈവമെൻ കൂടെയുണ്ട്

കാക്കയെക്കൊണ്ടുതൻ ദാസനെ പോറ്റുവാൻ
ശക്തനായ് തീർന്നവൻ കൂടെയുണ്ട്

എന്നെ വിളിച്ചവൻ എന്നെ രക്ഷിച്ചവൻ
എന്നാളും എന്നോടു കൂടെയുണ്ട്

ഒരു നാളും എന്നെ ഉപേക്ഷിക്കയില്ലെന്നു
പരമാർത്ഥമായവൻ ചൊല്ലീട്ടുണ്ട്

ആകാശം ഭൂമിയും ആകെ ഒഴിഞ്ഞാലും
ആയവൻ വാക്കിനു ഭേദമില്ല

എന്തെല്ലാം വന്നാലും കർത്താവിൻ പിന്നാലെ
സന്തോഷമായി ഞാൻ യാത്ര ചെയ്യും

എന്തേകും ഞാൻ ഏഴക്കു നീ
എന്തെല്ലാം നന്മകളാം ഓരോന്നും
Spread the love
Post Tagged with


Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.