ഇന്നീ മംഗല്യം ശോഭിക്കുവാൻ

ഇന്നീ മംഗലം ശോഭിക്കുവാൻ-കരുണ ചെയ്ക
എന്നും കനിവുള്ള ദൈവമേ!

നിന്നടി കാനാവിൽ മണിപ്പന്തൽ പണ്ടലങ്കരിച്ചു
അന്നു-രസവീഞ്ഞുണ്ടാക്കി എന്നപോലിന്നേരം വന്നു

ആദിമുതൽക്കൻപെ ധരിച്ചോൻ-നരകുലത്തെ
ആണും പെണ്ണുമായി നിർമ്മിച്ചാൻ
നീതിവരം നാലും ഉരച്ചാൻ-പെറ്റുപെരുകി
മന്നിടം വാഴ്കെന്നരുൾ ചെയ്താൻ
ആദമാദികൾക്കും അനുവാദമേകിയൊരു ദേവ!
നീതിപാലിച്ചേശു-നാഥനന്നു മാനിച്ചൊരു;- ഇന്നീ…

സത്യസഭയ്ക്കുനകൂലനേ! സുന്ദരീസഭ-
യ്ക്കുത്തമനാം മണവാളനേ!
ചിത്തനാഥാനന്ത ബാലനേ! പഴുതണുവും
അറ്റദേവനേശു പാലനേ!
ഒത്തപോൽ ഗുണാധികാരം എത്തി മോദമായ് സുഖിച്ചു
പാപമുക്തിയോടു പുത്രഭാഗ്യവും കൊടുക്കുമാറു;- ഇന്നീ…

ഉത്തമസ്ത്രീ ആയ ബാലയെ-തിരഞ്ഞബ്രാമിൻ
ഭൃത്യവരൻ ചെയ്തവേലയെ
ത്വൽതുണം തുടർന്നപോലെയെ-ഇവിടെയും നീ
ചേർത്തരുൾ ഇവർ കരങ്ങളെ (കല്യാണമാലയെ)
നല്ല മണവാളൻ തനി-ക്കുള്ള മണവാട്ടിയുമായ്
കല്യമോദം ചേർന്നു സുഖി-ച്ചല്ലൽ വെടിഞ്ഞിടുവാനും;- ഇന്നീ…