കർത്താവിൻ വരവിൽ നമ്മെ എടുത്തിടുമ്പോൾ

കർത്താവിൻ വരവിൽ നമ്മെ എടുത്തിടുമ്പോൾ
കഷ്ട-നഷ്ട ശോധനകൾ മാറിപ്പോയിടും
കർത്താവിന്‍റെ കരം-അന്നു തുടച്ചിടുമ്പോൾ
കണ്ണുനീരും വേദനയും തീർന്നു പോയിടും (2)

ആമേൻ കർത്താവേ വേഗം വരണേ
ആമേൻ കർത്താവേ നിൻ രാജ്യം വരണേ (2)

കൂടാരമാകും ഭൗമഭവന
കൂടുവിട്ടു പറന്നുപോകും
കൈപ്പണി അല്ലാത്ത നിത്യ ഭവനം
കർത്താവ് ഒരുക്കുന്നു നമുക്കായ്;- (2)

കുഞ്ഞാട്ടിൻ കല്യാണം അടുത്തുവല്ലോ
കാത്തിരിക്കുന്ന വിശുദ്ധരെ
കർത്താവിൻ ഗംഭീരനാദം കേൾക്കുമ്പോൾ
കർത്തനോടുകൂടെ പോകും ഞാൻ;- (2)

കാലം കഴിയും ഈ ലോകം അഴിയും
കാൺമതെല്ലാം മാറിപ്പോയിടും
കർത്താവിൻ യുഗം വെളിപ്പെടുമ്പോൾ
കാണും തിരുമുഖം നിത്യമായ്;- (2)