മാനുവേൽ മനുജസുതാ നിന്‍റെ മാനമേറും

മാനുവേൽ മനുജസുതാ-നിന്‍റെ
മാനമേറും തൃപ്പാദങ്ങൾ വണങ്ങി ഞങ്ങൾ
മംഗളമോതിടുന്നിതാ-നിത്യം
മഹിമയുണ്ടായിട്ടെ നിനക്കു നാഥാ

ഏദനിലാദിമനുജർ-ചെയ്ത
പാതകം പരിഹരിപ്പാൻ ഭൂതലേ വന്നു
ക്രൂശതിൽ മരിച്ചുയിർത്ത-നിന്‍റെ
പേശലമാം ചരിതമെന്തതി വിപുലം-…

വൻപരുമനുനിമിഷം-പാടി
കുമ്പിടുന്ന ഗുണമെഴുമധിപതിയെ
ചെമ്പകമലർ തൊഴുന്ന-പാദ-
മൻപിനോടെ നമിക്കുന്നു നമിക്കുന്നിതാ …

നീചരായ് ഗണിച്ചിരുന്ന പ്രേത-
നാദിയായ ധീവരരെ ദിവ്യകൃപയാൽ
ശേഷികൊണ്ടലങ്കിരിച്ചു പരം
പ്രേഷണം ചെയ്തവനിയിൽ ഗുരുക്കളായ് നീ….

വന്ദനം പരമഗുരോ നിന്‍റെ
നന്ദനീയമാം ഗുണങ്ങളുരപ്പതാമോ
ചന്ദനം പുഴുകിവയേക്കാളും
തോന്നിടുന്നു നിൻ ചരിതം സുരഭിയായി …

അല്പമാമുപകരണം കൊണ്ടു
നപെഴുന്ന മഹത്തായ വേലകൾ ചെയ്യും
ശില്പികൾക്കുടയവനേ നീയേ
ചിൽപുരുഷൻ ചിരന്തന നമസ്കാരം-…

കഷ്ടതയുടെ നടുവിൽ ഞങ്ങൾ
പെട്ടുഴന്നു വലയുന്നുണ്ടാകയാൽ ദേവ
തൊട്ടുനിന്നോമന കൈയ്യാൽ പാരം
ചുട്ടുനീറും മനസ്സിനെ തണുപ്പിക്കണേ …

സൂഫീതമാം കരിമുകിലേ സാധു
ചാതമങ്ങളാണു ഞങ്ങൾ നീ തരുന്നോരു
ശീകരമനുഭവിച്ചു സർവ്വ
ശോകവും ശമിപ്പിക്കുവാൻ കൃപ ചെയ്യണേ….

ആശയുമനുസൃതിയും സ്നേഹ
പാശബന്ധം വിനയവും വിമലതയും
ദാസരിൽ വളർത്തണമേ നിത്യം
യേശുനാഥാ നമസ്കാരം നമസ്കാരമേ