നീയെൻ പക്ഷം മതി നിന്‍റെ കൃപ

നീയെൻ പക്ഷം മതി നിന്‍റെ കൃപ മതി
നീയെന്‍റെ നാഥനല്ലോ-യേശുവേ
നീയെന്‍റെ ദൈവമല്ലോ(2)

ആത്മമണാളനെ ആനന്ദ ദായകാ
ആശ്വാസം നീ മാത്രമേ;
വിശ്വാസ പാതയിൽ വീഴാതെ നിൽക്കുവാൻ
നിൻ കൃപ ഏകണമേ(2)

എന്നിലും ഭക്തൻമാർ എന്നിലും ശക്തൻമാർ
എത്രയോ പേർ വീണുപോയ്;
എഴയാം ഞാൻ നിന്‍റെ സന്നിധിയിലിന്ന്
നിൽക്കുന്നതും കൃപയേ(2)

കാത്തിരിക്കുന്ന നിൻ ശുദ്ധിമാൻമാരെല്ലാം
കാഹളം കേട്ടിടുമ്പോൾ;
കർത്താവാം കുഞ്ഞാട്ടിൻ പൊൻ മുഖം കാണുവാൻ
മദ്ധ്യവാനിൽ പോയിടും(2)

ലോകം വെറുത്തു നിൻ പാതേ ഗമിക്കുവാൻ
നിൻ കൃപയേകണമേ;
ലോകം ജഡം സാത്താൻ എല്ലാം
ജയിച്ചിടാൻ ശക്തി പകർന്നിടണേ(2)