നിൻ കരുണകൾ കർത്താവെ

നിൻ കരുണകൾ കർത്താവെ
വളരെ ആകുന്നു
ഇവയെ ഓർത്തു സദാ ഞാൻ
ആശ്ചര്യപ്പെടുന്നു

ഞാൻ ശിശുവായിരുന്നപ്പോൾ
എന്നെ നീ പാലിച്ചു
എൻ യൗവനത്തിൽ നീ എന്നെ
ഏറ്റം സഹായിച്ചു

ഞാൻ രോഗി ആയി കിടന്നപ്പോൾ
ആശ്വാസം നീ തന്നു
പാപ ദുഃഖത്തിൽ നിന്നു നീ
എന്നെ വിടുവിച്ചു

ഈ ആയുസ്സുള്ള നാൾ ഒക്കെ
നിന്നെ ഞാൻ പുകഴ്ത്തും
മേൽ ലോകത്തിൽ കർത്തനെ ഞാൻ
ഏറ്റവും സ്തുതിക്കും

നിനക്കു സ്തുതി ദൈവമേ
എന്നേക്കും ഞാൻ പാടും
നിന്നെ സ്തുതിപ്പാൻ നിത്യത്വം
പോരാത്തതായീടും