ഞാനെന്‍റെ കണ്ണുകളെ ഉയർത്തിടും

ഞാനെന്‍റെ കണ്ണുകളെ ഉയർത്തിടും വൻഗിരിയിൽ
ഉയരത്തിൻ നാഥൻ യാഹെൻ യഹോവ
അവനെന്നെ നടത്തിടുന്നു

വേദനയിൽ പരിശോധനയിൽ
ക്ലേശങ്ങളിൽ കൊടുങ്കാടുകളിൽ
അലയടിച്ചുയരും ആഴിയിൻ നടുവിൽ
അവനെന്നെ നടത്തിടുന്നു;-

നിനയാത്ത നിമിഷത്തിൽ അവൻ വരുമേ
ഞൊടിനേരത്തിൽ ലോകം ഭ്രമിച്ചീടുമേ
പരനോടുകൂടെ അനന്തതയിൽ നാം
അതിവേഗം പറന്നുയരും;-

മാറുകില്ലവനെന്നെ വിളിച്ചതിനാൽ
കൈവിടുകില്ലാ എന്നെ ഒരു നാളിലും
മാറ്റമില്ലാത്ത വാക്കുമാറാത്ത
വാഗ്ദത്തമുണ്ടെനിക്ക്;-