ഒന്നുമാത്രം ഞാൻ ആഗ്രഹിക്കുന്നു

ഒന്നുമാത്രം ഞാൻ ആഗ്രഹിക്കുന്നു
ദൈവമേ നിന്‍റെ മുഖം കാണുവാൻ
എന്‍റെ മാനസം വാഞ്ഛിക്കുന്നു
നാഥാ നിന്‍റെ ശബ്ദം കേൾക്കുവാൻ

പാപഇമ്പങ്ങൾ നിറഞ്ഞ ലോകത്തിൽ
പാവനമായ് ഞാൻ നിൻ സേവ ചെയ്യുവാൻ
ആത്മശക്തിയാൽ ശുദ്ധീകരിക്കണേ
ആദ്യസ്നേഹത്താൽ ജ്വലിക്കുവാൻ;- ഒന്നുമാത്രം…

ഞാൻ വെറും പൊടി മാത്രമെന്നറിഞ്ഞവൻ
എന്നിലുള്ള കുറവുകൾ പരിഹരിക്കുന്നു
ദുർഘടങ്ങളെ തരണം ചെയ്യുവാൻ
ബലവും ജ്ഞാനവും നൽകേണമേ;- ഒന്നുമാത്രം…

കറകളങ്കമോ തെല്ലുമേശിടാതിഹെ
തിരുഹിതങ്ങൾ മാത്രം ചെയ്തു ജീവിപ്പാൻ
സകല നിനവിലും പ്രവൃത്തിയിലും
ഭയവും ഭക്തിയും തരേണമേ;- ഒന്നുമാത്രം…

ഇനിയും ഭൂമിയിൽ അനേകരായ ജനം
രക്ഷിതാവിനെ അറിയാതിരിക്കുമ്പോൾ
അലസ-മനസ്സുമായ ഞാനിരിക്കുവാൻ
അനുവദിക്കല്ലേ എൻ രക്ഷകാ;- ഒന്നുമാത്രം…

സകലവും സദാ പാരിലെന്‍റെ ശരണവും
കരുണയുള്ള യേശുവേ നീ മാത്രമേ
മഹത്വനാളിനായ് ഒരുങ്ങീടുവാൻ
ദിനവും നിൻകൃപ പകരണേ;- ഒന്നുമാത്രം…