പരിശുദ്ധൻ മഹോന്നത ദേവൻ പരമെങ്ങും

പരിശുദ്ധൻ മഹോന്നത ദേവൻ
പരമെങ്ങും വിളങ്ങും മഹേശൻ
സ്വർഗ്ഗീയ സൈന്യങ്ങൾ
വാഴ്ത്തി സ്തുതിക്കുന്ന
സ്വർലോക നാഥനാം മശിഹാ
ഹാ….ഹാ….ഹാ….ഹാലേലൂയ്യാ (4)

അവനത്ഭുതമന്ത്രിയാം ദൈവം
നിത്യതാതനാം വീരനാം ദൈവം
ഉന്നത ദേവൻ നീതിയിൻ സൂര്യൻ
രാജാധിരാജനാം മശിഹാ
ഹാ…. ഹാ…. ഹാ…. ഹാലേലൂയ്യാ (4)

കോടാകോടി തൻ ദൂതസൈന്യവുമായ്
മേഘാരൂഡനായ് വരുന്നിതാ വിരവിൽ
തൻപ്രിയസുതരെ തന്നോടു ചേർക്കാൻ
വേഗം വരുന്നേശു മശിഹാ
ഹാ…. ഹാ…. ഹാ…. ഹാലേലൂയ്യാ (4)