പ്രതികൂലങ്ങൾ മദ്ധ്യേ

പ്രതികൂലങ്ങൾ മദ്ധ്യേ പ്രത്യാശ ഉണർത്തും
യേശു എത്ര നല്ലവനാം
ആശയറ്റ നേരത്തും എൻ ആശയെ ഉണർത്തും
യേശു എത്ര വല്ലഭനാം

ഹേ! മരണമേ നിൻ ജയമെവിടെ
പാതാളമെ വിഷമുള്ളെവിടെ
ശത്രുവിൻ കോട്ടകളെ തകർക്കുമവൻ
എന്നുടെ സൈന്യാധിപൻ

ജീവിത യാത്രയിൽ ക്ലേശങ്ങൾ വന്നീടിലും
മാരികൾ എതിരേറ്റിടിലും
കൽപ്പലകയിൽ അല്ല എൻ ഹൃദയത്തിലല്ലോ
ജീവൻ എഴുതപ്പെട്ടത്;- ഹേ…

കൂടാരമാകും ഭൗമീക ഭവനം
അഴിഞ്ഞു പോയി-യെന്നാലും
കൈപ്പണിയല്ലാത്തതാം നിത്യ ഭവനം
നാഥൻ ഒരുക്കുന്നുണ്ടല്ലോ;- ഹേ…