ഉണരാം ദൈവസഭയേ മണവാളന്‍റെ

ഉണരാം ദൈവസഭയേ
മണവാളന്‍റെ വരവിനായ്
ഒരുങ്ങാം ദൈവജനമേ
മണവാളനെ എതിരേൽക്കുവാൻ

ശത്രു ദുഷിക്കുന്നു ദൈവജനത്തെ
ശത്രു ചോദിക്കുന്നു എവിടെ ദൈവം
നിറഞ്ഞീടാം ആത്മശക്തിയാൽ
ശത്രുവോടു എതിർത്തു നില്പാൻ

ഭൂമി കിടുകിടാ വിറച്ചിടുന്നു
ജനം ഭീതിയിലായിടുന്നു
നാഥൻ വാതിൽക്കൽ എത്തിടുന്നു
ഒരുങ്ങീടുക ദൈവജനമേ

രക്തകോട്ടയിൽ മറയ്ക്കും നിന്നെ
സംഹാരകൻ തൊടുകയില്ല
നിന്‍റെ രക്ഷകൻ വന്നിടാറായ്
ഒരുങ്ങീടുക ദൈവജനമേ

നാം വിശുദ്ധിയെ തികച്ചീടുക
പാപ പ്രവർത്തിയെ വെറുത്തീടുക
എണ്ണ വിളക്കിൽ നീ കരുതീടുക
മണവാളനെ എതിരേൽക്കുവാൻ