ആനന്ദമോടെ ദിനം സ്തുതി

ആനന്ദമോടെ ദിനം സ്തുതി പാടി
ആത്മാവിൽ ആർത്തിടാമേ
ആത്മമണാളൻ യേശുനാഥൻ
വേഗത്തിൽ വന്നിടുമേ

ഒരുങ്ങിനിന്നിടാം തിരുസഭയെ
തളരാതെ വേലചെയ്യാം
ഹല്ലേലുയ്യാ, ആനന്ദമേ
അവനു നാം സ്തുതി പാടാം

വിശ്വാസം, സ്നേഹം, പ്രത്യാശ ഇവയാൽ
ലോകത്തെ ജയിച്ചിടാമേ
തേജസ്സു നോക്കി ലോകത്തെ മറന്ന്
ഓട്ടത്തിൽ ജയം നേടിടാം;-

ഒരുങ്ങി…

വചനങ്ങൾ നിറവേറും അന്ത്യസമയമെ-
ന്നറിഞ്ഞു നാം ഉണർന്നിടുക
ദൈവത്തിൻ സർവ്വായുധം ഏന്തി
സാത്താനെ ജയിച്ചീടാമേ;-

ഒരുങ്ങി…

ആത്മാവിൻ വരങ്ങളാൽ നിറഞ്ഞവരായി
തേജസ്സിൻ പ്രഭയണിയാം
ആത്മമണാളൻ രാജാധിരാജൻ
വേഗത്തിൽ വന്നിടുമേ;-

ഒരുങ്ങി…