ആണ്ടുകൾ കഴിയും മുൻപേ

ആണ്ടുകൾ കഴിയും മുൻപേ
അങ്ങേ പ്രവൃത്തിയെ ജീവിപ്പിക്കണേ
പുതു വർഷത്തിൽ തവ കൃപ തരണേ
ആത്മാവിൽ നവ്യമാക്കണേ

ഓരോ വർഷവും കൺമണി പോലെ
ദുഷ്ടൻ തൊടാതെ എന്നെ സൂക്ഷിച്ചു
എത്രയോ ശക്തന്മാർ ലോകം വിട്ടു പോയ്(2)
എങ്കിലുമെന്നെ കാത്തു ദയയാൽ(2);-

ആണ്ടുകൾ…

ദൈവം തന്നതാം വാഗ്ദത്തമെല്ലാം
തക്കസമയം പ്രാപിച്ചീടുവാൻ
ശത്രു അതിന്റെ മേൽ ജയം കൊള്ളാതെ(2)
കാലതാമസം സംഭവിക്കാതെ(2);-

ആണ്ടുകൾ…

പുതുവർഷത്തിൽ ലോകക്കാർ മുൻപിൽ
കരങ്ങളെ നീട്ടുവാൻ ഇടവരല്ലേ
സമൃദ്ധിയായ് അന്നന്നു വേണ്ടതെല്ലാം(2)
യേശുവേ നിൻ മഹത്വത്താൽ തീർത്തു തരണേ(2);-

ആണ്ടുകൾ…