ആരാധനയ്ക്കു യോഗ്യനേ

ആരാധനയ്ക്കു യോഗ്യനേ എന്നിൽ
വാഴുന്നവൻ നീ തന്നെ
നിന്നെ സ്തുതിപ്പ‍ാൻ നിന്നെ പുകഴ്ത്താൻ
എൻ അധരങ്ങൾ തുറക്കുന്നിതാ

ദേവൻമാരിൽ നീ ഉന്നതൻ
ദൂതർ ആരാധിക്കും വല്ലഭൻ
സാറാഫുകൾ സ്തുതിച്ചാർക്കും
പരിശുദ്ധൻ പരിശുദ്ധൻ എന്ന് നാമും
പാടും ഗീതങ്ങൾ വീണ്ടെടുപ്പിൻ ഗാനങ്ങൾ

എൻ പേർക്കായ് യേശു ക്രൂശതിൽ
പൊൻ നിണം ചിന്തി യാഗമായ്
വൻ സങ്കടങ്ങൾ മാറ്റുവാൻ
എൻ പാപക്കടങ്ങൾ പോക്കുവാൻ
എൻ ശാപമെല്ലാം നീക്കുവാൻ
വൻ കൃപ ചൊരിഞ്ഞവനെ

മേഘാരൂഡനായ് നീ വന്നിടും
വാനാധി വാനവും നടുങ്ങിടും
വിണ്ണതിൽ കാഹളം മുഴങ്ങിടും
മണ്ണിൽ നിന്നുയരും വിശുദ്ധരും
കണ്ണിമയ്ക്കും നേരം പറന്നിടും
മന്നവനോട് മറഞ്ഞിടും