ആരാധിക്കാം പരിശുദ്ധനെ അർപ്പിക്കാം

ആരാധിക്കാം പരിശുദ്ധനെ
അർപ്പിക്കാം സ്തോത്രയാഗങ്ങൾ
സർവ്വ സ്തുതികൾക്കും യോഗ്യനായ
യേശുവെ ആരാധിക്കാം

ഹല്ലേലുയ്യ പാടിടാം
ഉയർത്തിടാം യേശുനാമം(2)
വല്ലഭനാം യേശുവേ ആരാധിച്ചാർത്തിടാം

ആരാധിച്ചാർത്തിടുമ്പോൾ
വാതിലുകൾ തുറക്കും(2)
യെരിഹോ മതിലിടിയും
അത്ഭുതങ്ങൾ നടക്കും(2);-

ഹല്ലേ…

മനസ്സു തകർന്നിടുമ്പോൾ
ശക്തിയാൽ നിറച്ചിടും(2)
യേശുവിൻ സ്നേഹത്തെ
എങ്ങനെ ഞാൻ വർണ്ണിക്കും(2);-

ഹല്ലേ…

ക്ഷാമ കാലത്തുമെന്നെ
ക്ഷേമമായ് പോറ്റിടുന്നു(2)
യേശുവിൻ കരുതലിനായ്
സ്തുതികൾ മുഴക്കീടാം(2);-

ഹല്ലേ…