ആശകൾ തൻ ചിറകുകളിൽ

ആശകൾ തൻ ചിറകുകളിൽ
അനശ്വരതീരത്തു ഞാൻ ചെന്നു
അനവരതം ദൂതർ സ്തുതി ചെയ്യും
നാഥനെ ആനന്ദത്തോടെ ഞാൻ കണ്ടു

ആയിരമായിരം ദൂതസംഗീതങ്ങൾ
ആമോദമോടെ പാടുന്നു (2)
അതിൻ നടുവിൽ ഞാൻ ചെറുവീണ മീട്ടി
ആത്മീയഗീതങ്ങൾ പാടി പാടി ഞാൻ;-

ആശകൾ

ആ സ്വർഗ്ഗനാടിന്റെ വീഥികൾ കാണുകിൽ
ആരും കൊതിച്ചീടും എന്നുമേ(2)
ആനന്ദം കരകവിഞ്ഞൊഴുകിടും
ആ സ്വർണ്ണവീഥികൾ കണ്ടാൽ ആരിലും;-

ആശകൾ

ആ നവഗേഹത്തിൻ കാഴ്ച മനോജ്ഞമാം
ആമോദമേകുമേ ആരിലും(2)
ആത്മസ്വരൂപനാമീശനെ
ആമോദമോടെ ശുദ്ധർ വാഴ്ത്തുമേ;-

ആശകൾ