അബ്രാഹാമിൻ പുത്രാ നീ

അബ്രാഹാമിൻ പുത്രാ നീ
പുറത്തേക്കു വരിക ദൈവം
നിനക്കൊരുക്കിയ നന്മ കാൺക
പൊളിക്കുക നിൻ കൂടാരങ്ങളെ
ദൈവമഹത്വം കാൺക

വിശുദ്ധിയും വേർപാടും പാലിക്ക നീ
യേശുവിൻ കൂടെ നടക്ക
പ്രാപിക്ക, പ്രാപിക്ക നീ തൻ കൂടെ
അളവില്ലാ അനുഗ്രഹങ്ങൾ

അപ്പന്റെ അനുഗ്രഹം മക്കൾക്കവകാശം
അക്സായെപ്പോലതു പ്രാപിക്ക നീ
ആകയാൽ നിന്നുടെ ആവശ്യങ്ങൾ
ചോദിക്ക വിശ്വാസത്താൽ

ഈ ശരീരവും ആയുസ്സും മാത്രം
കർത്താവിൻ വയലിൽ അദ്ധ്വാനിക്കുവാൻ
അതിനായ് ധനവും ആരോഗ്യവും നീ
ചോദിക്ക വിശ്വാസത്താൽ

നിന്നെക്കുറിച്ചേശുവിനുണ്ടാരു സ്വപ്നം
വൻ കരങ്ങളിൽ സ്വയം ഏൽപ്പിക്ക നീ
ഇടിക്കുന്നിടം വെടിഞ്ഞാടിപ്പോക
പണിയും നിന്നെ തമ്പുരാൻ