അക്കരെ നാട്ടിലെൻ വാസമേകിടാൻ

അക്കരെ നാട്ടിലെൻ വാസമേകിടാൻ
അൻപെഴും നായകൻ വന്നിടാറായ്

നമ്മ വീണ്ടതാം യേശു നായകൻ
വീണ്ടും വന്നിടാൻ കാലമായല്ലോ

ദൂതരിൻ ആരവം കേട്ടിടാറായ്
കർത്തനിൻ കാഹളം ധ്വനിച്ചിടാറായ് (2)
വിണ്ണതിൽ നിത്യമാം വാസമൊരുക്കി
വന്നിടും രക്ഷകൻ മേഘവാഹനെ(2)
നമ്മേ…

ദൈവം തൻ മക്കളിൻ കണ്ണുനീരെല്ലാം
പൂർണ്ണമായ് മായ്ച്ചിടും നാളടുത്തിതാ(2)
ചേരും നാം വേഗത്തിൽ കർത്തൻ സന്നിധേ
പാടും നാം നിത്യവും ഹല്ലെലൂയ്യാ (2)
നമ്മേ…

വാഗ്ദത്തം ചെയ്തവൻ വിശ്വസ്തനല്ലോ
വാഗ്ദത്ത നാടതിൽ ചേർത്തിടും നമ്മേ(2)
ശുദ്ധരേ വേഗം നാം ഉണർന്നീടുവിൻ
കർത്തനിൻ വേലയെ തികച്ചീടുവീൻ (2)
നമ്മേ…