അല്ലലില്ലാ നാടുണ്ട് സ്വർഗ്ഗനാടുണ്ട്

അല്ലലില്ലാ നാടുണ്ട് സ്വർഗ്ഗനാടുണ്ട്
അല്ലലെല്ലാം തീർക്കുവാൻ കർത്തനുണ്ടല്ലോ(2)
അല്ലലെല്ലാം തീർന്നിടും ഹല്ലേലുയ്യാ പാടീടും
അല്ലേലും ഞാൻ പാടീടും ഹല്ലേലുയ്യാ(2)

ലോകത്തിൽ കഷ്ടം ഉണ്ട് ധൈര്യപ്പെടുവിൻ
ലോകത്തെ ജയിച്ച നാഥൻ കൂടെയുണ്ടല്ലോ(2)
കൂട്ടുകാർ പിരിയുമ്പോൾ കൂടെയുള്ളോർ മാറുമ്പോൾ
കൂട്ടിനായി കൂടെ വരും കർത്തനുണ്ടല്ലോ(2)

പാപത്തിൻ ഭാരത്താൽ കേഴുന്നവരെ
പാപമെല്ലാം പോക്കുവാൻ യേശുവുണ്ടല്ലോ(2)
കാൽവറിയിൽ യാഗമായി തീർന്നവനെ
കണ്ടവർ ധന്യരായി തീർന്നുവല്ലോ(2)

മോദമായി പാടീടാം ദൈവജനമേ
പാപമെല്ലാം പോക്കിയ യേശുരാജന്(2)
വേഗം വരാമെന്ന് വാക്ക് തന്നവൻ
വേഗത്തിൽ നമ്മെ ചേർപ്പാൻ വന്നീടുമേ(2)

കാഹളത്തിൻ നാദം കേട്ടിടാറായ്
കാന്തനാം യേശു വന്നിടാറായ്(2)
കാന്തയാം നമ്മെ ചേര്ർത്തിടുവാൻ
കാലങ്ങൾ ഇനിയും ഏറെയില്ലാ(2)