അണിഅണിയായി പടയണിയായ്

അണിഅണിയായി പടയണിയായ്
അടരാടും പടയണിയായ്
സേനാ നായകനേശുവിനായ്
അണയാം അടർക്കളത്തിൽ

അണിഅണിയായി പടയണിയായ്
അടരാടും പടയണിയായ്
മൃതു ജയിച്ചവനേശുവിനായ്
അണയാം അടർക്കളത്തിൽ(2)

ദൈവത്തിൻ സർവ്വായുധവും
ധരിച്ചു നാം മുന്നേറിടണം(2)
ശത്രുവിൻ എല്ലാ ചുവടുകളും
ചെറുത്തു തോൽപ്പിക്കുക വേണം(2)
വരിച്ചിടും നാം വിജയം(4)

അണയാം രണഭൂവിൽ പൊരുതാം ഗുരുധീരൻ
യേശുവിൻ ഉന്നതനാമത്തിൽ
ശത്രുവെ-വെന്നീടാം(2);-

അണി…

സത്യത്താൽ അര മുറുക്കിടാം
നീതികവചവും ധരിച്ചിടാം (2)
രക്ഷാശിരസ്ത്രം അണിഞ്ഞിടാം
സുവിശേഷത്തിൻ ഒരുക്കമായ് (2)
പാദരക്ഷകളണിയാം (4)

അണയാം രണഭൂവിൽ പൊരുതാം ഗുരുധീരൻ
യേശുവിൻ ഉന്നതനാമത്തിൽ
ശത്രുവെ-വെന്നീടാം (2)

അണി…

വിശ്വാസത്തിൻ പരിചയുമായ്
ആത്മാവും പുതുജീവനുമായ് (2)
ഇരുതലവാൾ പോൽ ഭേദിക്കും
തിരുവചനത്തിൻ വാളേന്താം (2)
വിജയക്കൊടികൾ നാട്ടാം (4)

അണയാം രണഭൂവിൽ പൊരുതാം ഗുരുധീരൻ
യേശുവിൻ ഉന്നതനാമത്തിൽ
ശത്രുവെ-വെന്നീടാം(2);-

അണി…