അൻപേറും യേശുവിൻ ഇമ്പസ്വരം

അൻപേറും യേശുവിൻ ഇമ്പസ്വരം
എൻ തുമ്പമകറ്റിയേ ഞാൻ ഭാഗ്യവാൻ
അല്ലലേറുമീ മരുയാത്രയതിൽ
നല്ലൊരു സഖിയാം അവനെനിക്ക്

ദാഹത്താൽ ഞാൻ വാടി കുഴഞ്ഞിടുമ്പോൾ
കൊടും ചൂടിനാൽ ഞാനേറ്റം തളർന്നിടുമ്പോൾ
പാറയെ പിളർന്നു ജലം കൊടുത്തോൻ
ആത്മ ജീവജലം എനിക്കേകിടുന്നു;-

അൻ…

ക്ഷാമങ്ങൾ അനവധി വർദ്ധിക്കുമ്പോൾ
ആത്മ ക്ഷാമം എവിടെയും പെരുകിടുമ്പോൾ
മരുഭൂമിയിൽ മന്നകൊടുത്തവനെ
നിക്കാത്മ ജീവമന്ന ഏകി പോഷി?‍ിക്കും;-

അൻ…

സ്വന്തജനത്തെ മരുഭൂമിയിൽ
സന്തതം ജയമായ് നടത്തിയോനെ
വാഗ്ദത്ത നാട്ടിൽ ഞാനെത്തും വരെ
എന്നെ അനുദിനം ജയമായ് നടത്തീടണെ;-

അൻ…