അനുപമ ഗുണഗണനീയൻ ക്രിസ്തു

അനുപമ ഗുണഗണനീയൻ ക്രിസ്തു
അരുണോദയ പ്രഭപൂരിതൻ
അകമേ ആനന്ദദായകൻ

ശോകോന്മുഖ നര ആശ്രയം അവൻ
പാപോന്മുഖ നര രക്ഷകൻ
രോഗോന്മുഖ ജഡ സൗഖ്യദായകൻ
വീരോന്മുഖ ബലകാരണൻ

ജീവൻ ഏകുന്ന ദൈവവും
ജീവജലത്തിനുറവിടവും
ജീവാമൃതമൊഴി തൂകിടും അനുദിനം
ജീവൻ വഴിയും സത്യവും

വിനയം തന്നുടെ സാഗരം
അഭയം ഏവർക്കും സാദരം
ദൈവത്തിന്നുടെ സാരാംശം-പര
മാത്മാവിന്നും ജീവാംശം

ചിത്തേ മംഗളകാരണൻ
മൃത്യു ഭീതിസംഹാരകൻ
പാർത്താൽ പാരിടമാകെയും-പ്രഭു
ഓർത്താൽ ജീവിതസാരവും

വാനൊളിയിൽ തെളിവേറിടും
വാനവരിൽ മഹിമാസനൻ
വാനേ പോയുടയോൻ വരും-വീണ്ടും
വാനിൽ നമ്മെയും ചേർക്കുവാൻ