അവനെന്‍റെ സങ്കേതമാം ഉറപ്പുള്ള

അവനെന്‍റെ സങ്കേതമാം
ഉറപ്പുള്ള കോട്ടയുമാം
ജീവന്റെ ബലവും സഹായകനുമാം
പാറയും വെളിച്ചവും രക്ഷയുമാം

ഹ്യദയം നുറുങ്ങിയോർക്കാശ്വാസകൻ
മനസ്സു തകർന്നോർക്കു ഉദ്ധാരകൻ
കഷ്ടപ്പെടുന്നോർക്കു അടുത്ത തുണ
എളിയവർക്കു ന്യായപാലകൻ

പാപികളായോർക്കു പരിഹാരകൻ
ഏഴകളായോർക്കു ഉദ്ധാരകൻ
രോഗികളായോർക്കു വൈദ്യനവൻ
കുരുടരായോർക്കു വെളിച്ചമവൻ

അദ്ധ്വാനിക്കുന്നോർക്കു സഹായകൻ
ഭാരം ചുമപ്പോർക്കു കൈത്താങ്ങവൻ
വിശക്കുന്നോർക്കു ജീവ അപ്പം
ദാഹിക്കുന്നോർക്കു പാനപാത്രം