അവങ്കലേക്കു നോക്കിയവർ പ്രകാശിതരായ്‌

അവങ്കലേക്കു നോക്കിയവർ പ്രകാശിതരായ്
അവന്റെ സ്നേഹം അറിഞ്ഞവർ പ്രശോഭിതരായ്

അവരുടെ മുഖം ലജ്ജിച്ചില്ല
അവരുടെ മനം ക്ഷീണിച്ചില്ല

ലോകത്തിൻ വെളിച്ചം യേശുവല്ലോ
സ്നേഹത്തിൻ ദീപവും യേശുവല്ലോ
ആ ദിവ്യശോഭ ദർശിച്ചവർ ഭാഗ്യവാന്മാർ

വാഗ്ദത്തം ചെയ്തവൻ യേശുവല്ലോ
വാക്കു മാറാത്തവൻ യേശുവല്ലോ
അവനിലാശ്രയം കണ്ടെത്തിയോർ ഭാഗ്യവാന്മാർ

പാപിക്കു രക്ഷകൻ യേശുവല്ലോ
രോഗിക്കു സൗഖ്യവും യേശുവല്ലോ
ആ മഹാശക്തി അറിഞ്ഞവർ ഭാഗ്യവാന്മാർ