ഏക പ്രത്യാശയാകും യേശുവേ

ഏക പ്രത്യാശയാകും യേശുവേ
നീയാണെൻ സങ്കേതവും ബലവും

നിൻ നാമമെത്രയോ ശ്രേഷ്ടം
സർവ്വഭൂവിൽ നാമങ്ങളേക്കാൾ
മഹത്വത്തിൻ പ്രത്യാശയാം യേശു
ക്രിസ്തു എന്നുള്ള നാമം…ആ…ആ… ഏക…

കഷ്ടങ്ങളിലേറ്റ തുണയാം
എൻ ശോകം നീക്കിടും നാഥാ
താഴ്ചയിൽ എന്നെ ഓർത്തവൻ നീയേ
വാഴ്ചയും ഒരുക്കുന്നോനേ…ആ…ആ… ഏക…

നിന്നിഷ്ടം പൂർണ്ണമായ് ചെയ്വാൻ
എന്നിൽ നിൻ കൃപ പകർന്നിടേണം
നിർമ്മലമാം നിൻ സുവിശേഷത്താൽ ഞാൻ
പൂർണ്ണത പ്രാപിക്കുവാൻ…ആ…ആ… ഏക…

സ്വർഗ്ഗാധി സ്വർഗ്ഗേ നീ ഒരുക്കും
അതി ശ്രേഷ്ടമായ എൻ ഭവനം
ആ നിത്യമായ തേജസ്സിൻ ഗേഹം
ആയതെൻ ലക്ഷ്യമത്രെ…ആ…ആ… ഏക…

തേജസ്സിന്മേൽ തേജസ്സ് പ്രാപിച്ചു
ഞാൻ നിന്നനുരൂപനായ്
വാനമേഘത്തിൽ നീ വെളിപ്പെടുമ്പോൾ
നിന്നോടു ചേർന്നിടുമേ…ആ…ആ… ഏക…

എനിക്കൊത്താശ വരും പർവ്വതം… എന്ന രീതി