എല്ലാം ദൈവം നന്മയായ് ചെയ്തു

എല്ലാം ദൈവം നന്മയായ് ചെയ്തു
എത്രയോ അൽഭുതമേ
എണ്ണിയാൽ തീരാത്ത നന്മകൾ തന്നത്
എത്രയോ ആശ്ചര്യമേ (2)

കൺകൾ നിറഞ്ഞപ്പോൾ
ഹൃദയം തകർന്നപ്പോൾ
കൂട്ടിനായ് വന്നേശുവേ
അങ്ങേ മറന്നെങ്ങും പോകില്ല
മാറില്ലെൻ ജീവൻ പോകും വരെ

കാന്തൻ വരവോർത്തു നാളുകളേറയായ്
കാത്തിരിന്നീടുന്നു ഞാൻ
പാരിലെ കഷ്ടങ്ങൾ സാരമില്ലെന്നെണ്ണി
കാതോർത്തിരിക്കുന്നു ഞാൻ;- കൺകൾ-എല്ലാം

വാതിൽ അടഞ്ഞപ്പോൾ വഴികൾ തടഞ്ഞപ്പോൾ
പുതു വഴി തുറന്നവനെ
ദോഷമായൊന്നും ചെയ്യാത്ത യേശുവേ
ക്ലേശിപ്പാനൊന്നുമില്ല;- കൺകൾ-എല്ലാം