എല്ലാം എല്ലാം ദാനമല്ലേ ഇതൊന്നും

എല്ലാം എല്ലാം ദാനമല്ലേ
ഇതൊന്നും എന്റേതല്ല
എല്ലാം എല്ലാം തന്നതല്ലേ
ഇതൊന്നും ഞാൻ നേടിയതല്ല

ജീവനും ജീവനിയോഗങ്ങളും
പ്രാണനും പ്രാണപ്രതാപങ്ങളും
നാഥാ നിൻ ദിവ്യമാം ദാനങ്ങളല്ലേ
ഇതൊന്നും എന്‍റെതല്ല

നിമിഷങ്ങളിൽ ഓരോ നിമിഷങ്ങളിൽ­എന്നെ
പൊതിയുന്ന നിൻ ജീവ കിരണങ്ങളും
ഒരുമാത്ര പോലും പിരിയാതെ എന്നെ
കരുതുന്ന സ്നേഹവും ദാനമല്ലേ;- എല്ലാം…

നയനങ്ങളെ നിന്നിൽ ഉയരങ്ങളിൽ ചേർത്തു
കരുണാർദ്ര സവിധത്തിൽ കരയുന്നേരം
കുരിശിൽ വിരച്ചോരാ കനിവിൻ കരങ്ങളാ
അരുളും സഹായവും ദാനമല്ലേ;- എല്ലാം…

ബന്ധങ്ങളിൽ എന്‍റെ കർമ്മങ്ങളിൽ-എന്നെ
നിൻ ജീവസാക്ഷിയായ് നിർത്തിടുവാൻ
പരിപാവനാത്മാവിൻ വരദാനമെന്നിൽ
പകരുന്ന സ്നേഹവും ദാനമല്ലേ;- എല്ലാം…