എൻപേർക്കായി ജീവൻ വെടിഞ്ഞ

എൻ പേർക്കായി ജീവൻ വെടിഞ്ഞ
എൻ പ്രാണ പ്രീയനാകും യേശുവേ
നിൻ സ്നേഹത്തെ ഞാൻ ഓർത്തീടുന്തോറും
എൻ മാനസം നന്ദിയാൽ പൊങ്ങുന്നേ

എൻ വീണ്ടെടുപ്പിൻ വില കൊടുപ്പാൻ
നീ മാത്രമല്ലാതാരുള്ളേശുവേ
നിൻ കാരുണ്യത്തിൻ മഹാത്മ്യത്തെ ഞാൻ
സദാ കാലവും പുകഴ്ത്തീടുമേ;-

പേയിൻ ബലത്തെ തകർത്തതിനാൽ
എൻ മരണഭയം നീ നീക്കിയല്ലോ
നിൻ കാൽവറിയിൽ തിരുബലിയാൽ
സീയോൻ മാർഗ്ഗവും തുറന്നെനിക്കായ്;-

നിൻ സ്നേഹത്താൽ ഞാൻ ജ്വലിച്ചീടുവാൻ
ശുദ്ധാത്മാവിനാൽ നിറച്ചവനെ
അനുദിനവും ജയജീവിതം
നയിച്ചീടുവാൻ കൃപയരുൾക;-

പ്രിയൻ പോയതാം പാതെ പോകുവാൻ
ദിവ്യ വിളിയാൽ വിളിച്ചവനെ
ദിനംതോറും നിൻ തിരുചിറകിൽ
അടിയാനെ നീ മറച്ചീടുക;-

നിൻ പേർക്കായ് ജീവൻ തരുവാൻ
അത്യാശ എന്നിൽ ഏറുന്നേശുവേ
പ്രത്യാശയോടെ നിൻ പൊൻമുഖത്തെ
വീക്ഷിച്ചീടേണം എന്നാശയതേ;-