എൻ പ്രാണപ്രിയനാകും എൻ

എൻ പ്രാണപ്രിയനാകും എൻ യേശുവേ
അങ്ങാണെനിക്കഭയം
ഭാരങ്ങൾ ഉള്ളിൽ പെരുകിവരുമ്പോൾ
കാണും ഞാൻ തിരുമുഖത്തെ

കൃപാ കൃപാ കൃപമാത്രം യേശുവേ
എല്ലാം തിരുകൃപയല്ലോ(2)
ഇന്നാൾവരെയും കാത്തു പാലിച്ചല്ലോ
എല്ലാം തിരു കൃപയല്ലോ(2)

കണ്ണുനീർ താഴ്വര കടന്നപ്പോൾ
അങ്ങെൻ കരം പിടിച്ചു (2)
ഭയപ്പ‍െടേണ്ട ഞാനുണ്ടു കൂടെ
എന്നങ്ങു വാക്കുരച്ചു (2);- കൃപാ…

ചെങ്കടൽ എൻ മുമ്പിൽ പിൻവാങ്ങിച്ചു
മാറാ മധുരമാക്കി(2)
ഗിലയാദിൻ ഔഷധമായി എൻമേൽ-
നീ സൗഖ്യവും പകർന്നല്ലോ(2);- കൃപാ…

വാനമേഘത്തിൽ നീ വന്നിടുമ്പോൾ
പൊൻമുഖം ഞാൻ കാണുവാൻ(2)
പ്രത്യാശയോടെ കാത്തു നില്ക്കുന്നേ
ആമേൻ നീ വരേണമേ (2);- കൃപാ…