എൻ പ്രിയാ നിൻ വൻകരം എന്നെ

എൻ പ്രിയ നിൻ വൻകരം
എന്നെ താങ്ങി നടത്തീടുന്നതാൽ
എൻ ജീവിത ഭാരങ്ങളാൽ
കേഴണമോ ഈ ഭുവിൽ (2)

എൻ വേദന മാറിടുമേ
എൻ രോഗങ്ങൾ നീങ്ങീടുമേ (2)
അങ്ങേ മാർവ്വിൽ ചാരിടുമ്പോൾ
ഞാനെന്തു ഭാഗ്യവാനായ് (2);- എൻ..

ഉറ്റവർ കൈവിടും സ്നേഹിതർ മാറിടും
പെറ്റമ്മയും തള്ളിടുമേ (2)
മാറ്റമില്ലാ വിശ്വസ്തനേ
നിന്‍റെതല്ലോ എന്നും ഞാൻ (2);- എൻ..

ജീവിത സാഗരെ ഭാരങ്ങളാൽ
എൻ തോണി വലഞ്ഞീടുമ്പോൾ (2)
അമരക്കാരനായ് നിൻ സാന്നിദ്ധ്യം
എന്നെന്നും മതിയെനിക്ക് (2);- എൻ…