എൻ യേശുവേ എൻ ജീവനേ എന്നാശ

എൻ യേശുവേ എൻ ജീവനേ
എന്നാശ നീ മാത്രമാം

ശോകാന്ധകാരങ്ങളിൽ
എൻ ഏകാന്ത നേരങ്ങളിൽ
എൻ കാന്ത നീയുള്ളിലാശ്വാസമായ്
വൈകാതെൻ മുൻ വന്നിടും;- എൻ…

ഉറ്റോരുപേക്ഷിച്ചിടും
എൻ കൂട്ടാളികൾ പോയിടും
തെറ്റാതെന്നാവശ്യനേരങ്ങളിൽ
കൂട്ടായെനിക്കുണ്ടു നീ;- എൻ…

രാവിൽ വിളക്കാണു നീ
എൻ നാവിൽ മധുവാണു നീ
അളവില്ലാ കദനത്തിൻ കാർമേഘത്തിൽ
മഴവില്ലിനൊളിയാണു നീ;- എൻ…

വേറില്ലെനിക്കാശ്രയം
വേറില്ലെനിക്കാരുമേ
നേരിട്ടറി-ഞ്ഞെന്നഴൽ നീക്കുവാൻ
ചാരത്തു നീ മാത്രമേ;- എൻ…

ഒന്നേയെനിക്കാഗ്രഹം ഞാൻ
നിന്നെയെൻ മുൻ കാണണം
എന്നേരവും നിൻ മുഖദർശനം
തന്നേഴയെയോർക്കണം;- എൻ…