എന്നാത്മാവേ വാഴ്ത്തുക നീ

എന്നാത്മാവേ വാഴ്ത്തുക നീ
നിന്നുടെ കർത്താവിനെ
തൻ ഉപകാരങ്ങൾ ഒന്നും
എന്നുമേ മറക്കൊലാ
നിൻ അകൃത്യങ്ങൾ ഒക്കെയും
സന്തതം മോചിച്ചു നിൻ
രോഗമെല്ലാം മാറ്റി നിന്നെ
സൗഖ്യമാക്കീടുന്നു താൻ

ജീവനെ നാശത്തിൽനിന്നു
വീണ്ടെടുത്തു നിന്നെ തൻ
കാരുണ്യങ്ങളാൽ കിരീടധാരണം ചെയ്യുന്നവൻ
നന്മയാൽ നാൾതോറുമേ നീ
ഉൺമയിൽ ത്യപ്തനായ് നിൻ
യൗവ്വനം കഴുകനെപോൽ
നവമാക്കുന്നു നിത്യം

സർവ്വത്തിന്നുമായ് സ്തുതിക്ക
ദൈവമാം പിതാവിനെ
കർത്തൻ നല്ലോൻ തൻ കരുണ നിത്യമായുള്ളതത്രെ
തന്നുടെ വഴികളെല്ലാം ഉന്നതം എന്നാകിലും
തൻ പ്രിയ മക്കൾക്കു സർവ്വം
നന്മയായ് വന്നീടുമെ