എന്നാണുദയം ഇരുളാണുലകിൽ

എന്നാണുദയം ഇരുളാണുലകിൽ
നീതിസൂര്യാ എന്നാണുദയം
ഓമനപ്പുലരി പൊന്നൊളി വിതറാൻ
താമസമിനി വരുമോ? താമസമിനി വരുമോ

കുരിശിന്നൊളിയേ! കൃപകൾ വിതറും
സ്നേഹക്കതിരേ കുരിശിന്നൊളിയേ
പാരിലെ പാപക്കൂരിരുളകലാൻ;
വേറൊളി ഒന്നുമില്ലയേ(2);-

ഉലകജനങ്ങൾ കലഹജലത്തിൽ
മുഴുകി മുഴുൻ ഉലകജനങ്ങൾ
ദൈവികചിന്താഹീനരായ് ജനത;
അന്ധരായ് വലഞ്ഞിടുന്നേ(2);-

ദൈവജനവും നിലകാത്തിടാതെ
വീണുപോയി ദൈവജനവും
ആദിമസ്നേഹം ആരിലും കുറവായ്;
നാണയക്കൊതിയേറെയായ്(2);-

ജീവജലമേ നിറവായ് ഒഴുകും
ജീവനദിയേ! ജീവജലമേ!
ചുടുവെയിലുലകിൽ നീ അകം കുളിർത്താൽ;
ദാഹമിനിയുമില്ലയേ(2);-