എന്നെ ജയാളി ആക്കീടുവാൻ

എന്നെ ജയാളി ആക്കീടുവാൻ
മന്നിതിൽ വന്നവനെ
നിൻ ദയയാണെല്ലോ എൻ ജീവിതം
നന്ദി നന്ദി നാഥാ

നന്ദി നന്ദി നാഥാ നന്ദി നന്ദി ദേവ
നിൻ ദാനം എന്നെന്നും ഓർത്തിടും ഞാൻ
നന്ദി നന്ദി നാഥാ

പാപത്തിൻ ശക്തിയിൽ നിന്നും വീണ്ടെടുപ്പാൻ
പാവന നിണം ഒഴുക്കി
പാപിയെ രക്ഷിപ്പാൻ പ്രാണനെ അർപ്പിച്ച
സ്നേഹവാൻ യേശുവേ നിൻ
ആ സ്നേഹം മഹൽ സ്നേഹമേ

മൃത്യുവെ വെന്നവൻ നൽകുന്ന ജയമേ
പാരിതിൽ എന്നുടെ ജയമേ
ഉയര്പ്പിൻ ജീവനെ തന്നവനേശു
ജയജീവിതം നൽകുന്നു
ജീവിതം ജയ ജീവിതം

വാനമേഘങ്ങളിൽ നമ്മെയും ചേർപ്പാൻ
വരുന്നിതാ ജയരാജൻ
ഒരുങ്ങീടാം പ്രിയരേ കേട്ടീടാം തൻ ശബ്ദം
തൻ കൂടെ വസിച്ചീടുവാൻ
തൻ കൂടെ വാണീടുവാൻ