എന്നെന്നും ഞാൻ നിന്നടിമ നിൻ വകയാം

എന്നെന്നും ഞാൻ നിന്നടിമ നിൻ വകയാം
എന്നാളും നീ എൻ നാഥനാം
എന്നുടെ ഏക ആശ്രയവും

ശ്രേഷ്ട ഇടയൻ വിശ്വസ്ത മിത്രം
ജീവനെ നല്കിയൊരുറ്റ സഖി
നല്ല ഇടയനവൻ(2)
തന്നുടെ പ്രാണൻ എൻപേർക്കായ് തന്ന
പ്രാണസ്നേഹിതനവൻ;-

ഈ ലോകലാഭം ചേതമെന്നെണ്ണി
ലാക്കിലേക്കേകമായ് വന്നീടുന്നേ
വിശ്വത്തിൻ നായകനേ(2)
നീയല്ലാതൊന്നും വേണ്ട ഇപ്പാരിൽ
വേണം നിൻ കാഴ്ചശബ്ദം;-

ജീവന്‍റെ മാർഗ്ഗം ലോകത്തിനേകാൻ
ജീവജോതിസ്സയിത്തീരേണം ഞാൻ
ഒന്നേയെൻ ആശയിതേ(2)
തന്നീടുന്നേ ഞാൻ എന്നെ ഇന്നേരം
നിൻഹിതം നിറവേറ്റിടാൻ;-