എണ്ണിയാൽ ഒതുങ്ങിടാ നന്മകൾ

എണ്ണിയാൽ ഒതുങ്ങിടാ നന്മകൾ
എങ്ങനെ സ്തുതിച്ചിടും നാഥനെ (2)
വർണ്ണിപ്പാനായി ആവതില്ല
വർണ്ണിച്ചീടാനിനി നാവു പോരാ (2)

ആശകൾ നിരാശയായ് മാറിടുന്നേരം
യേശുനാഥാ എന്നെ ചേർത്തണച്ചല്ലോ (2)
നീ തന്നതല്ലാതെ ഒന്നുമില്ല
നിന്നതല്ല നീ നിറുത്തിയതാ (2) );- എണ്ണി…

ചെങ്കടലിൻ മുൻപിൽ ഞാനായിടും നേരം
സങ്കടം മാറാൻ വഴി നീ തുറക്കും (2)
ആഴിയെന്നെ ഇനി മൂടുകില്ല
ആഴിയിലും വഴി നീ നയിക്കും (2) );- എണ്ണി…

രോഗശയ്യയിൽ എന്‍റെ കൂടെ വന്നല്ലോ
രോഗകിടക്കയെ നീ മാറ്റി വിരിച്ചു (2)
ശോധനകൾ നീ തന്നതല്ലോ
പരിഹാരവും നിൻ പക്കലുള്ളതാൽ (2) );- എണ്ണി…

മാനുഷികമാം വാക്കു മാറിടുന്നേരം
വാഗ്ദത്തങ്ങളിൽ നീ വിശ്വസ്തനല്ലോ (2)
പോയപോൽ വേഗം വന്നീടുമല്ലോ
പൊയ് വാക്കുകൾ നിൻ പക്കലില്ലല്ലോ (2);- എണ്ണി…