എന്‍റെ നാവു നവ്യഗാനം പാടും

എന്‍റെ നാവു നവ്യഗാനം പാടും
എന്‍റെ ഹൃത്ത് നൂതനരാഗം പാടും
കർത്താവേ നീ എന്നെ സ്നേഹിച്ചു
പ്രാണനാഥാ നീ എന്നെ വീണ്ടെടുത്തു
എന്‍റെ നാവു നവ്യഗാനം പാടും

ലോകാന്ധകാരത്തൂടെ ഞാനലഞ്ഞുതിരിഞ്ഞു(2)
മോഹങ്ങളെന്നിൽ അശാന്തി ഏകി
ക്രൂശിൻ ദയയിൽ ഞാനഭയം കണ്ടു
നിന്‍റെ ദയ അഗോചരം-നിൻ കാരുണ്യം അഗാധമേ;-

പാപാന്ധകാരത്തൂടെ ഞാനലഞ്ഞു തളർന്നു(2)
പാശങ്ങളാൽ ഞാൻ ബന്ധിതനായി
ക്രൂശിൻ നന്മയിൽ ഞാനാശ്രയം കണ്ടു
നിന്‍റെ ദയ അഗോചരം-നിൻ കാരുണ്യം അഗാധമേ;-

എൻ ജീവിതാന്ത്യത്തോളം നിന്നിൽ നിലനിൽക്കും
ദുഃഖിക്കുന്നവനെന്നും ആശ്വാസം ഏകും
ഉയിർപ്പിൻ ശക്തിയിൽ ഞാൻ ജീവിക്കും
നിന്‍റെ ദയ അഗോചരം-നിൻ കാരുണ്യം അഗാധമേ;-