എപ്പോഴാണെന്‍റെ സോദരാ മൃത്യു വരുന്ന

എപ്പോഴാണെന്‍റെ സോദരാ
മൃത്യു വരുന്നതോർക്കായ്കിലെന്തു കഷ്ടമേ
ഇപ്പാരിൽ നിൻ ജനങ്ങൾക്കു തൃപ്തിയില്ലാഞ്ഞു
ലോകത്തൊത്തപോൽ ജീവിച്ചിട്ടു
ആത്മാവേ കരുതായ്കിൽ

ദൂരവെയല്ല മരണം എന്നാർക്കറിയാം
ലേശം ഇല്ലാസമയങ്ങൾ
രാജാക്കന്മാർ വലിയ ധീരന്മാരായവരും
തീരെ സാധുക്കളും ഈ ലോകം വെടിഞ്ഞുപോകും;-

കട്ടിലിൽ കിടക്കയിൽ വച്ചോ അയ്യോ സോദരാ
വീട്ടിൽ വസിച്ചിടുമ്പോഴോ
കാട്ടിൽ മലകളിലോ റോഡിൽ തെരുക്കളിലോ
കൂട്ടുകാർ ചേർന്നു വഴിയാത്രകൾ ചെയ്യുമ്പോഴോ;-

വെള്ളത്തിൽ യാത്രയിൽ വച്ചോ ആരാധനയ്ക്കായ്
പള്ളിയിൽ പോകും നേരത്തോ
കള്ളം പറഞ്ഞു ചിലർ വ്യാപരചന്തയിലോ
കള്ളക്കേസിനുപോയി കച്ചേരിത്തിണ്ണയിലോ;-

വാളിനാൽ വെട്ടുകൊണ്ടിട്ടോ വല്ലാത്തതായ
വ്യധികൾ വന്നുപെട്ടിട്ടോ
പെട്ടെന്നുള്ള മരണം ഹൃദ്രോഗങ്ങളാലോ
സർപ്പവിഷം ഏറ്റിട്ടു വൈദ്യന്‍റെ വീട്ടിൽവച്ചോ;-

ലോകത്തിൻ മോഹങ്ങൾ കൊണ്ട് : എന്ന രീതി….