എഴുന്നേറ്റു പ്രകാശിക്ക നിന്‍റെ പ്രകാശം

എഴുന്നേറ്റു പ്രകാശിക്ക നിന്‍റെ പ്രകാശം വന്നിരിക്കുന്നു
യഹോവയുടെ തേജസ്സും നിന്‍റെ മേൽ ഉദിച്ചിരിക്കുന്നു
എഴുന്നേറ്റു പ്രകാശിക്ക

കൂരിരുൾ തിങ്ങിയ വീഥിയതിൽ
വഴി കാണാതുഴലുന്ന പഥികനു നീ
വഴികാട്ടും ദീപമായ് എരിഞ്ഞിടുക
പ്രകാശഗോപുരമായ് നിന്നീടുക;- എഴു…

ഇരുളിന്‍റെ പാശങ്ങൾ അറുത്തു നീ
മോചനമതേകുമീ ബന്ധിതർക്കു
മാനവ ചേതന പുൽകിയുണർത്തു
മാനസമതീശനു മന്ദിരമാക്കാൻ;- എഴു…

തണ്ടിൻമേൽ ദീപങ്ങൾ തെളിച്ചു നമ്മൾ
തമസ്സിന്‍റെ കോട്ടകൾ തകർത്തിടുക
താതസുതാത്മനെ വണങ്ങിടുക
തളരാതെ നീതിപ്രഭ ചൊരിയാൻ;- എഴു…