ഹാ സ്വർഗ്ഗസീയോനിൽ എൻ യേശുവിൻ

ഹാ സ്വർഗ്ഗസീയോനിൽ എൻ യേശുവിൻ മുമ്പിൽ
എൻ വീണ്ടെടുപ്പിൻ ഗാനം പാടീടുമേ

ആനന്ദമേ പരമാനന്ദമേ
താതന്‍റെ സന്നിധി ആനന്ദമേ
എന്താനന്ദം സീയോൻ പുരമേ

ആ ശോഭനനാട്ടിൽ മുത്തുമാളിക വീട്ടിൽ
എൻ ആനന്ദമെല്ലാമെൻ പ്രിയനത്രെ;-

എൻ രക്ഷകൻ പ്രേമം പുതുദർശനം നൽകും
എൻ മാനസം പ്രിയനിൽ മോദിക്കുമേ;-

ഹാ നന്ദികൊണ്ടെന്നും എന്നുള്ളം തുള്ളുന്നേ
എൻ പ്രിയന്‍റെ പാട്ടുകൾ പാടിടുമ്പേൾ;-

അതിൽ അത്ഭുതമുണ്ട് അതിൽ ഉത്സവമുണ്ട്
അതിൽ ഏവരും സന്തോഷാൽ തുള്ളിടുമേ;-

അതിൽ സന്തോഷം തന്നെ അതിലുല്ലാസം തന്നെ
അതിൽ പാട്ടു പാടാത്തവരാരുമില്ല;-

ആ ആനന്ദം കണ്ടാൽ പുതുഗാനങ്ങൾ കേട്ടാൽ
ദൂതരും ആശ്ചര്യം കൂറിടുമേ-ദൈവ;-