ഇത്രനാളും ഞാൻ അറിഞ്ഞതല്ലേ

ഇത്രനാളും ഞാൻ അറിഞ്ഞതല്ലേ
എത്രയോ നല്ലവൻ എന്‍റെ ദൈവം
ഇത്രനാളും ഞാൻ രുചിച്ചതല്ലേ
എത്രയോ നിസ്തുലം അവന്‍റെ സ്നേഹം

എണ്ണിക്കൂടാത്തതാം നന്മകൾ നൽകി
ഇന്നയോളമെന്നെ നടത്തിയില്ലേ…

കാലിടാതെൻ മനമിടാതെ
കാതരവഴികളിൽ കൂടെവരും
ഞാൻ വീണുപോയാൽ തൻ ഭുജങ്ങൾ
നീട്ടിയെന്നെ താങ്ങുമവൻ;-

എണ്ണിക്കൂടാ…

ജീവിത വേനൽ ചൂടിലെൻ ജീവൻ
വാടിയുലഞ്ഞു കരിഞ്ഞാലും
തൻ സ്നേഹമഴയാലെന്നിൽ തൻ പുതു-
ജീവനേകും ദൈവമവൻ;-

എണ്ണിക്കൂടാ…

കൂരിരുൾ താഴ്വരെ ഞാൻ നടന്നാലും
കൂടെയുണ്ടെന്നുടെ നല്ലിടയൻ
ഞാൻ പോലുമറിയാതെന്റെ വഴിയിൽ
കാവലായിടും സ്നേഹമവൻ:-

എണ്ണിക്കൂടാ…