കാഹളം മുഴങ്ങിടും ദൂതരാർത്തു പാടിടും

കാഹളം മുഴങ്ങിടും ദൂതരാർത്തു പാടിടും
കുഞ്ഞാട്ടിൻ കല്യാണം വന്നു സമീപേ
ദൈവ കുഞ്ഞാട്ടിൻ കല്യാണം വന്നു സമീപേ(2)
ശുദ്ധരങ്ങുയർത്തിടും ഹല്ലേലുയ്യാ പാടിടും
വല്ലഭന്‍റെ തേജസ്സെന്നിലും വിളങ്ങിടും

എന്‍റെ പ്രിയനെ പൊന്നുകാന്തനെ എന്നു വന്നു
ചേർക്കുമെന്നെ സ്വന്ത വീട്ടിൽ നീ(2)
നിൻ മുഖം കാണുവാൻ കാൽ കരം മുത്തുവാൻ
ആശയേറുന്നേ വൈകിടല്ലേ നീ (2);- കാഹളം…

ഈ മരുവിലെൻ ക്ലേശ മഖിലവും
തീർന്നിടും ജയോത്സവത്തിനുജ്വലാരവം(2)
കേൾക്കുമെൻ കാതുകൾ കാണുമെൻ കണ്ണുകൾ
നാവാൽ വർണ്യമോ ആ സുദിനത്തെ (2);- കാഹളം…