കാൽവറി ഉണർത്തുന്ന ഓർമ്മകളെ

കാൽവറി ഉണർത്തുന്ന ഓർമ്മകളെ
കാൽകരം തുളയ്ക്കുന്ന നിമിഷങ്ങളെ
ആയിരം സ്തുതികൾ മതിയാകുമേ
നിൻ മഹാ ത്യാഗത്തെ വർണ്ണിക്കുവാൻ

നിൻ മുറിവുകൾ എനിക്കു ജീവനേകി
നിന്നടിപ്പിണരാൽ സൗഖ്യമേകി
എൻ ശാപ ശിക്ഷയിൽ നിന്നും വിടുതലേകി
നിൻ ദരിദ്രതയെന്നെ സമ്പന്നയാക്കി;-

ഗോതമ്പു മണിപോൽ ഉടയുവാനായ്
നൂറുമേനിയായ് ഫലം കൊടുപ്പാൻ
സുവിശേഷത്തിൻ ദീപ്ത്തി പരത്തി
ഭൂലോകമെങ്ങും സാക്ഷിയാകാൻ;-

മുൾക്കിരീടം ചൂടി വിരൂപനായവൻ
പൊൻ കിരീടം ചൂടി വേഗം വരും
കോമള രൂപനാം രാജാധി രാജൻ
വീണ്ടും വന്നിടുമേ എന്നെ ചേർപ്പാൻ;-